Originally uploaded by ravissant74.
Ka gusto ko gid tani nga may tiangge man kami sa balay sa Lapuz sang una galing kay iwat gid pang kapital. Siguro kung may ara kami sari-sari store ang baligya namon siguro bugas, mga school supplies, kag siguro gani may carinderia pa sang mga linuto ni Daddy. May dyutay kami bal-an nga rice farm sang una sa Cabatuan, pero husto man lang pang mudpud sa mga pariente kay bilin ni Lolo Tulio antes siya na patay e-partidahon nga husto sa kada pamilya Almirez ang sinako nga bugas nga ga abot sa balay kada harvest season. Namit si Daddy pa-lutuon ka dinuguan, lina-ga, kag kung ano pa da nga suludanon. Galing kay pirme man siya ga obra. Ang pinaka closest nga baligya namon ay ice, kag ice candy mag summer. Avocado kag orange flavor amon specialty. May nag suya pa one time sa amon kay Tru-Orange nga soda ang guin usar namon pang ice candy. daw sa gago bala haw!
Nami-an ko na anay mag kadto sa balay sang paka-isa ko kay may sari-sari store sila. Na sadyahan ko na dayon kung may ga bakal ka pastries kay ku-ot2x pa na anay sa garapon nga guina butangan. Ang laban galing ga bakal ang mga naga panigarilyo. Mag summer na gani ga hungod ko na bugtaw temprano sa aga mag upod sa paka-isa ko mag kadto sa Tienda Mayor pang bakal pang baligya sa tiangge niya. Bayad niya sa akon mag bantay ko tiangge niya kung kis-a ay Coke solo kag Chipee, okon gani grilled pork barbecue.
Diri ya kilan-lan may lisensya ka gid mag abri ka tiangge maski sa puluy-an mo kay patay ka gid sa violation fees. Nami bala pag may tiangge ka kay hinali ma wad-an ka ka kape hindi ka na mag usik pa sang gas mag drive up sa dept. store.
